Тогтоол №2433

ХЭРГИЙН ТАНИЛЦУУЛГА: Газар эзэмших эрхийн гэрчилгээг бусдад шилжүүлсэн эсэхтэй холбоотой маргаан. Нэхэмжлэгч өөрийн эзэмшлийн газрыг шилжүүлэх хүсэлт гаргасан ч, тухайн үеийн эрх бүхий албан тушаалтнууд хуйвалдан хууль бусаар шилжүүлж, хохироосон гэж үзжээ. АНХАН ШАТ: Газрын тухай хуулийн 38.1, 38.2-т заасныг үндэслэн нэхэмжлэгчийн газрыг бусдад шилжүүлэхтэй холбоотой нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Нэхэмжлэгч нь газрыг шилжүүлэх хангалттай баримт байхгүй байхад шилжүүлсэн, эзэмшил газрыг ашиглуулах гэрээний хяналт, дүгнэлт хийгээгүй гэх зэрэг үндэслэлээр анхан шатны шүүхийн шийдвэрийг эс зөвшөөрч гомдол гаргасан. ҮНДЭСЛЭЛ: Нэхэмжлэгч өөрийн эзэмшлийн газрыг бусдад шилжүүлэх хүсэлт гаргасан нь баримтаар нотлогдсон. Нэхэмжлэгчийн гаргасан өргөдлийг газрын эрх шилжүүлэх хүсэлт гэж үзсэн анхан шатны шүүхийн дүгнэлт үндэслэлтэй. Нотариатаар гэрчлүүлээгүй, гэрээ байгуулагдаагүй гэх нэхэмжлэгчийн тайлбарыг хүлээн авах боломжгүй. Нэхэмжлэгчийн эзэмшил газрыг ашиглуулах гэрээний хяналт, дүгнэлт хийгээгүй нь түүний тайлбарыг үгүйсгэж байна. Нэхэмжлэгч болон гуравдагч этгээд хоорондоо гэрээ байгуулагдсан эсэх талаарх маргаан нь Иргэний хуулийн хүрээнд шийдвэрлэгдэх асуудал бөгөөд захиргааны байгууллагын шийдвэрийг хүчингүй болгох үндэслэл болохгүй. Иймд анхан шатны шүүхийн шийдвэрийг хэвээр үлдээж, нэхэмжлэгчийн гомдлыг хангахгүй орхижээ.