Тогтоол №2363

ХЭРГИЙН ТАНИЛЦУУЛГА: Иргэдээс газар өмчлөх, эзэмших эрхийг хүчингүй болгосон захиргааны актуудыг илт хууль бус гэж тооцуулах тухай нэхэмжлэл. АНХАН ШАТ: Захиргааны ерөнхий хуулийн 47 дугаар зүйлийн 47.1.6-д заасныг үндэслэн нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Анхан шатны шүүх нь нэхэмжлэлийн шаардлага, түүний үндэслэлийг бүрэн дүгнэлгүй, зөвхөн маргаантай актын үндэслэлд дурдсан хуулийн заалтуудыг бичсэн, ойлгомжгүй, үндэслэлгүй дүгнэлт хийсэн тул шийдвэрийг хүчингүй болгож, хэргийг дахин хэлэлцүүлэхээр буцаасан.

ҮНДЭСЛЭЛ: Шүүхийн шийдвэр нь хууль ёсны бөгөөд үндэслэл бүхий байх шаардлагыг хангаагүй, Захиргааны хэрэг шүүхэд хянан шийдвэрлэх тухай хуулийн 106 дугаар зүйлийн 106.3.2, 52 дугаар зүйлийн 52.5, 52.5.1, 107 дугаар зүйлийн 107.4, Захиргааны ерөнхий хуулийн 47 дүгээр зүйлийн 47.1-д заасан шаардлагуудыг зөрчсөн.