Тогтоол №1919

ХЭРГИЙН ТАНИЛЦУУЛГА: Газар эзэмших эрхийн гэрчилгээ шилжүүлэхтэй холбоотой Засаг даргын захирамжийг хүчингүй болгуулах тухай нэхэмжлэл. АНХАН ШАТ: Газрын тухай хуулийн 38.2-р зүйлийг үндэслэн Засаг даргын захирамжийн иргэн Д.З, Э.Н нарт холбогдох хэсгийг хүчингүй болгож, нэхэмжлэлийг хангасан. ДАВЖ ЗААЛДАХ ШАТ: Газрын тухай хуулийн 38.2, 38.3-р зүйл, Газар эзэмших, ашиглах эрхийн гэрчилгээ олгох журмыг зөрчсөн үндэслэлээр гаргасан гомдлыг хангаж, шийдвэрт өөрчлөлт оруулсан.

ҮНДЭСЛЭЛ: Газар эзэмших эрх шилжүүлэх гэрээ нотариатаар гэрчлэгдсэн, талууд гарын үсэг зурсан бол Засаг дарга нь Эрхийн гэрчилгээг шилжүүлэх тухай талуудын хүсэлтийг хүлээн авч, хуулийн шаардлагыг хангасан эсэхийг шалгах бөгөөд гэрээг өөрөө бичсэн эсэх, гарын үсэг нь өөрийнх нь мөн эсэхийг нягтлан тогтоох үүрэггүй. Иймд нэхэмжлэгч Д.Н-н газар эзэмших эрхийг хууль бусаар шилжүүлсэн гэх тайлбар үндэслэлгүй байна. Харин нэхэмжлэгч Б.Б-н өмнөөс Д.Н гарын үсэг зурсан тул Б.Б-н нэхэмжлэлийг хангаж, захирамжийн Э.Н-д холбогдох хэсгийг хүчингүй болгосон.