Тогтоол №1795

ХЭРГИЙН ТАНИЛЦУУЛГА: Иргэн Б.Б, Ж.Д нар нь Нийслэлийн Ерөнхий төлөвлөгөөний газар, “У ц т с” ТӨХК, “Б ч” ХХК-д холбогдуулан газрын өмчлөх эрхийг зөрчиж олгосон техникийн нөхцөл, зөвшөөрлүүдийг хүчингүй болгуулах шаардлага бүхий нэхэмжлэл гаргасан. АНХАН ШАТ: Нийслэл дэх Захиргааны хэргийн анхан шатны шүүхээс Б.Б, Ж.Д нарын нэхэмжлэлийн зарим хэсгийг хангаж, "Б ч" ХХК-ийн боловсруулсан ажлын зургийг хууль бус болохыг тогтоон хүчингүй болгож, бусад шаардлагыг хэрэгсэхгүй болгосон. ДАВЖ ЗААЛДАХ ШАТ: Хариуцагч “Б ч” ХХК-ийн итгэмжлэгдсэн төлөөлөгч анхан шатны шүүхийн шийдвэрийг эс зөвшөөрч, хэргийг хянан шийдвэрлэх ажиллагааны явцад хууль зөрчсөн, хэргийн оролцогчийг буруу татаж шийдвэр гаргасан гэж гомдол гаргасан.

ҮНДЭСЛЭЛ: Давж заалдах шатны шүүхээс хэргийг хянан шийдвэрлэх явцад Захиргааны ерөнхий хууль болон Захиргааны хэрэг шүүхэд хянан шийдвэрлэх тухай хуулийг зөрчсөн, тухайлбал, захиргааны байгууллагад хамаарахгүй "Б ч" ХХК-ийг хариуцагчаар татаж шийдвэрлэсэн нь буруу гэж дүгнэн, анхан шатны шүүхийн шийдвэрийг хүчингүй болгож, хэргийг анхан шатны журмаар дахин хэлэлцүүлэхээр буцаасан. Мөн нэхэмжлэлийн шаардлагыг нэмэгдүүлэх, татгалзахтай холбоотой ажиллагаанд анхан шатны шүүхээс журмыг алдагдуулсан гэж үзсэн.