Тогтоол №1575

ХЭРГИЙН ТАНИЛЦУУЛГА: Нэхэмжлэгч нь ажлаас чөлөөлсөн, өөр хүнд томилсон захиргааны актыг хүчингүй болгуулж, өмнөх албан тушаалдаа эгүүлэн тогтоолгох, ажилгүй байсан хугацааны нөхөн олговор гаргуулах шаардлага гаргасан. АНХАН ШАТ: Нэхэмжлэлийг бүхэлд нь хангаж, захиргааны актуудыг хүчингүй болгон, нэхэмжлэгчийг ажилд эгүүлэн тогтоож, нөхөн олговор олгох шийдвэр гаргасан. ДАВЖ ЗААЛДАХ ШАТ: Хариуцагч нь урьдчилан шийдвэрлүүлэх журмыг баримтлаагүй, нэмэгдүүлсэн нэхэмжлэлийг хууль зөрчин хүлээн авсан, хэргийн оролцогчдын эрхийг хангаагүй гэж гомдол гаргасан.

ҮНДЭСЛЭЛ: Нэхэмжлэгчийг өмнө нь гүйцэтгэж байсан чиг үүрэгтэй албан тушаалд томилоогүй нь хуульд нийцээгүй, эрхийг зөрчсөн байх тул анхан шатны шүүхийн дүгнэлт үндэслэлтэй. Төрийн албаны зөвлөлд гомдол гаргаж хариу авсан тул урьдчилан шийдвэрлүүлэх ажиллагаа явагдсан гэж үзнэ. Хэргийн оролцогчдын эрхийг зөрчсөн гэх үндэслэл тогтоогдоогүй тул анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхисон.