Тогтоол №9321

ХЭРГИЙН ТАНИЛЦУУЛГА: Нэхэмжлэгч нь өөрийн эзэмшдэг газрын ойр орших газарт хууль бусаар давхар олгогдсон гэх хариуцагчийн захирамжийг хүчингүй болгуулах шаардлага гаргасан. Нэхэмжлэгч нь анх орц, гарц хаагдсан гэх үндэслэлээр гомдол гаргаж байсан бол дараа нь эзэмшиж буй ногооны талбайтай давхцуулж газар олгосон гэж тайлбарладаг. Хариуцагч болон гуравдагч этгээд нь хууль тогтоомжийг зөрчөөгүй, нэхэмжлэгчийн эрх ашгийг хөндөөгүй, газрыг хууль ёсны дагуу олгосон гэж тайлбарласан. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон. Газрын тухай хуулийн 31.3, 33.1.1-д заасныг баримтлан, нэхэмжлэгч болон гуравдагч этгээдийн эзэмшил газар давхцаагүй, нэхэмжлэгчийн орц, гарц хаагдаагүй, нэхэмжлэгч хууль бусаар илүү газар эзэмшээгүй гэж дүгнэлээ.

ҮНДЭСЛЭЛ: Шүүх газрын кадастрын зураг, мэдээллийн санг үндэслэн нэхэмжлэгч болон гуравдагч этгээдийн газрууд хоорондоо давхцаагүй болохыг тогтоосон. Нэхэмжлэгч нь эзэмшил газраасаа илүү хэмжээний газрыг хашаалж ашиглаж байгаа бөгөөд уг илүү хэсгийг эзэмших хүсэлтийг хуульд заасан журмаар гаргаагүй тул давхар олгосон гэж үзэх боломжгүй. Хариуцагчийн газар олгосон шийдвэр нь нэхэмжлэгчийн газрын орц, гарцыг хаагаагүй, эрх, хууль ёсны ашиг сонирхлыг нь зөрчөөгүй. Нэхэмжлэгч нь анх гаргасан гомдлын үндэслэлээ шүүх хуралдаанд өөрчилж, орц, гарц хаагдсан гэх гомдлоосоо татгалзсан. Гуравдагч этгээд нь газрыг хууль ёсны дагуу авч, газрын татвар, хураамжийг цаг тухайд нь төлж ирсэн.