Тогтоол №8953

ХЭРГИЙН ТАНИЛЦУУЛГА: Сонгуулийн зардлын дансны дугаар, банкны нэрийг хуульд заасан хугацаанд Төрийн аудитын газарт мэдэгдэж бүртгүүлээгүй нь тогтоогдсоноос үүдэн татварын улсын байцаагчаас торгох шийтгэл ногдуулсныг хүчингүй болгуулах тухай гомдол. АНХАН ШАТ: Гомдол гаргагчийн шаардлагыг хэрэгсэхгүй болгосон.

ҮНДЭСЛЭЛ: Сонгуулийн тухай хуулийн 50.3-д заасны дагуу нэр дэвшигч нь сонгуулийн зардлын дансны дугаар, банкны нэрийг санал авах өдрөөс 20 хоногийн өмнө Төрийн аудитын орон нутгийн байгууллагад мэдэгдэж, бүртгүүлэх үүрэгтэй. Нэр дэвшигч энэхүү үүргээ биелүүлээгүй нь Зөрчлийн тухай хуулийн 17.1 дүгээр зүйлийн 21-д заасан зөрчлийн шинжийг хангасан байна. Хуульд заасан үүргээ биелүүлэх боломжтой байсан боловч биелүүлээгүй нь зөрчил болох бөгөөд энэ нь шударга ёсыг тогтоох зарчимтай нийцнэ. Нэр дэвшигч нь хуулийн талаар мэдээгүй, намаас зөвлөмж авч байгаагүй, улсад хохирол учруулаагүй, торгуулийг төлөх боломжгүй зэрэг нь үүрэг, хариуцлагаас чөлөөлөх үндэслэл болохгүй. Төрийн аудитын газрын нийцлийн аудитын тайлан нь үйл баримтын мэдээлэл агуулсан, зөрчлийн хэргийн нотлох баримт болгон үнэлэгдэнэ.