Тогтоол №8634

ХЭРГИЙН ТАНИЛЦУУЛГА: Компани нь тусгай хамгаалалттай газарт ашиглаж байсан эрхээ цуцлагдсантай холбогдуулан тушаалыг хууль бус болохыг тогтоож, хүчингүй болгуулах шаардлага гаргасан. Компани нь газрын төлбөрөө төлж, гэрээгээ сунгуулсан гэж үзэж байсан бол захиргааны байгууллага нь компани нь гэрээнд заасан зориулалтын дагуу газраа 2 жил дараалан ашиглаагүй, газрын төлбөрөө хугацаанд нь төлөөгүй гэж үзжээ. АНХАН ШАТ: Захиргааны хэргийн анхан шатны шүүхээс компани тал нь газрын төлбөрөө хугацаанд нь төлсөн, мөн хуульд заасан хугацаанд газраа зориулалтын дагуу ашиглаагүй гэж үзэх үндэслэлгүй, мөн захиргааны байгууллага нь шийдвэр гаргахдаа оролцогчийг сонсох ажиллагааг хийгээгүй нь Захиргааны ерөнхий хуулийг зөрчсөн гэж үзэн, нэхэмжлэлийг бүхэлд нь хангаж, Байгаль орчин, аялал жуулчлалын сайдын тушаалын компанийг холбогдох хэсгийг хүчингүй болгожээ.

ҮНДЭСЛЭЛ: Шүүх Газрын тухай хуулийн 40 дүгээр зүйлийн 40.1.5-д заасныг зөрчсөн гэж үзэх үндэслэлгүй, мөн 40.1.6-д заасныг зөрчсөн гэж дүгнэх хууль зүйн үндэслэлгүй гэж үзжээ. Захиргааны байгууллага нь газар ашиглах эрхийг цуцлахдаа холбогдох хуулийн заалтыг буруу тайлбарлан шийдвэр гаргаснаар компанийн эрх, ашиг сонирхлыг хөндсөн байна. Мөн захиргааны байгууллага нь актыг гаргахдаа оролцогчийг сонсох ажиллагааг явуулалгүйгээр актыг гаргасан нь Захиргааны ерөнхий хуулийг зөрчсөн гэж үзжээ.