Тогтоол №7003

ХЭРГИЙН ТАНИЛЦУУЛГА: Компанийн татварын хяналт шалгалтаар илэрсэн зөрчлийн талаарх шийтгэлийн хуудсыг эс зөвшөөрч, хүчингүй болгуулах тухай гомдол гаргасан. Компани нь газрын элэгдэл, засварын зардал, даатгалын зардал, оршин суугч бус этгээдэд төлсөн төлбөрт ногдуулсан НӨАТ, импортын барааны НӨАТ хасалтын зөрчлийг гомдолд дурдсан. АНХАН ШАТ: Компанийн гомдлын дагуу Татварын маргаан таслах зөвлөлөөс бууруулсан төлбөрийн хэсгийг хэтэрсэн буюу үндэслэлгүй гэж үзсэн зөрчлүүдийг хүчингүй болгуулахаар шүүхэд хандсан. ҮНДЭСЛЭЛ: Газрын элэгдлийн зардлыг Аж ахуйн нэгжийн орлогын албан татварын тухай хуулийн 13.9-д заасны дагуу хасч тооцох боломжгүй. Хайгуулын үйл ажиллагаанд зориулан авсан бараа, ажил, үйлчилгээнд төлсөн НӨАТ-ыг хасах боломжгүй. Суудлын автомашин, хувийн болон ажиллагсдын хэрэгцээнд зориулсан худалдан авалтын НӨАТ-ыг хасаж тооцсон нь буруу. Импортын худалдан авалтын зөрүүтэй холбоотой татварын тооцоололд компани болон татварын байцаагчийн хооронд зөрүү гарсан.