Тогтоол №6443

ХЭРГИЙН ТАНИЛЦУУЛГА: Компанийн нэхэмжлэл нь татварын улсын байцаагчийн хялбаршуулсан журмаар зөрчилд шийтгэл оногдуулсан шийтгэлийн хуудсыг хүчингүй болгуулах тухай байв. Нэхэмжлэгч нь байцаагчаас зөрчил шалган шийдвэрлэх ажиллагааг үндэслэлгүй, хууль зөрчин явуулсан, мөн тодорхой баримт бичгийг засварласан, шийтгэлийн хуудсанд зөрчлийн талаарх мэдээллийг бүрэн тусгаагүй гэж гомдолтой байв. Хариуцагч татварын байцаагч нар нь хяналт шалгалт хийх журмын дагуу ажилласан, зөрчил ил тодорхой байсан тул хялбаршуулсан журмаар шийдвэрлэх нь хуульд нийцсэн, нэхэмжлэгч компани нь газрын тосны хайгуулын үйл ажиллагаанд зориулан худалдан авсан бараа, ажил үйлчилгээнд төлсөн НӨАТ-ыг суутгаж, төсөвт төлөх татвараа бууруулсан нь Татварын хуулийг зөрчсөн гэж тайлбарласан. АНХАН ШАТ: Нэхэмжлэгчийн гомдлыг бүхэлд нь хэрэгсэхгүй болгож, татварын улсын байцаагчийн шийтгэлийн хуудсаар ногдуулсан торгууль, алдангийн зарим хэсгийг өршөөлд хамруулахыг тогтоосон.

ҮНДЭСЛЭЛ: Компанийн худалдан авсан бараа, ажил үйлчилгээг үйлдвэрлэл, үйлчилгээний зориулалтаар худалдан авсан гэж үзэхгүй, компанийн өөрийн үйл ажиллагаанд зориулан худалдан авсан бараа, ажил үйлчилгээнд төлсөн нэмэгдсэн өртгийн албан татварыг төсөвт төлөх нэмэгдсэн өртгийн албан татвараас хасч тооцох үндэслэлгүй байна. Татварын улсын байцаагч нар нь хууль тогтоомжийн дагуу хяналт шалгалтыг хийж, зөрчлийн шинжийг харгалзан хуульд заасан үндэслэл, журмын дагуу шийтгэл оногдуулах эрхтэй.