Тогтоол №6913

ХЭРГИЙН ТАНИЛЦУУЛГА: "И" ХХК нь Санхүүгийн зохицуулах хорооны даргын тушаал болон тус хорооны мэдэгдлийг хууль бус болохыг тогтоож, хүчингүй болгуулах шаардлага гаргасан. Нэхэмжлэгч нь компанийн хувь нийлүүлсэн хөрөнгийн хэмжээг нэмэгдүүлэхтэй холбоотой журмыг зөрчсөн, мөн тушаал гаргахдаа эрх бүхий этгээдийг сонсоогүй гэж үзсэн. Хариуцагч нь дүрмийн сангийн хэмжээг тогтоосон хууль, журмын дагуу ажилласан, мөн хувьцаа эзэмшигчдийн хурлын ирц хүрээгүй тул шийдвэр нь хууль бус байсан гэж тайлбарласан. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон.

ҮНДЭСЛЭЛ: Санхүүгийн зохицуулах хорооны даргын 196 тоот тушаалаар зөвшөөрсөн дүрмийн сангийн нэмэгдлийг хувьцаа эзэмшигчдийн хурлын ирц хүрээгүйгээс улсын бүртгэлд бүртгэхээс татгалзсан нь шүүхийн хүчин төгөлдөр шийдвэрээр хууль ёсны болох нь тогтоогдсон. Шүүхийн шийдвэрээр хууль бус нь тогтоогдсон тул тус шийдвэрт нийцүүлэн 196 тоот тушаалаа хүчингүй болгосон 392 тоот тушаал нь хуульд нийцсэн. "И" ХХК нь тогтоосон хувь нийлүүлсэн хөрөнгийн доод хэмжээг хуваарийн дагуу нэмэгдүүлээгүй тул тусгай зөвшөөрлийг түдгэлзүүлэх нөхцөл үүссэн байдаг. Санхүүгийн зохицуулах хорооны 9/2950 тоот мэдэгдэл нь эрх бүхий этгээдийг сонсох боломж олгосон, мөн хууль, журмын дагуу үйл ажиллагаа эрхлэх тусгай зөвшөөрлийг түдгэлзүүлэх нөхцөл бий болсон тул хууль бус акт биш.