Тогтоол №6767

ХЭРГИЙН ТАНИЛЦУУЛГА: Компанийн ус ашиглалттай холбоотой үйлдлийг Зөрчлийн тухай хуулийн 7.15 дугаар зүйлд заасан үндэслэлээр улсын байцаагч шийтгэсэн. Компани нь эрх бүхий байгууллагатай гэрээ байгуулж ажилласан, хууль зөрчөөгүй гэж үзэж шийтгэлийг эсэргүүцэн гомдол гаргасан. Хариуцагч нь компани нь ус ашиглах зөвшөөрөлгүй, байгаль орчны менежментийн төлөвлөгөөгөө тайлагнаагүй, улсын байцаагчийн шийтгэл хууль ёсны дагуу оногдуулсан гэж тайлбарласан. АНХАН ШАТ: Компанийн гомдлыг хангаж, улсын байцаагчийн гаргасан шийтгэлийн хуудсыг шинэ акт гарах хүртэл 6 сарын хугацаагаар түдгэлзүүлсэн.

ҮНДЭСЛЭЛ: Компани нь гүний худгийг ашигладаг бөгөөд ус ашиглалтын хэмжээ болон холбогдох зөвшөөрлийн талаар тодорхой дүгнэлт, акт тогтоогдоогүй байхад Зөрчлийн тухай хуулийн 7.15 дугаар зүйлийг шууд үйлчлүүлж байна гэж дүгнэх боломжгүй. Усны тухай хуульд заасны дагуу ус ашиглах эрхийн гэрээ байгуулах, дүгнэлт гаргуулах шаардлагатай.