Тогтоол №6016

ХЭРГИЙН ТАНИЛЦУУЛГА: Төрийн аудитын байгууллагын бүтцийн өөрчлөлт, ажлын байрны шинэ тодорхойлолтын шаардлагад нийцэхгүй болсон гэх үндэслэлээр албан тушаалаас чөлөөлөгдсөн иргэн өөрийгөө ажлаас буруу халсан, шинэ албан тушаалд томилох, өмнөх цалин хөлс, даатгалыг нөхөн олгох шаардлага бүхий нэхэмжлэл гаргасан. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон.

ҮНДЭСЛЭЛ: Шүүхээс нэхэмжлэгчийг ажлаас чөлөөлсөн тушаалыг Төрийн албаны тухай хуулийн 27.2.3, 27.2.4-т заасны дагуу, тухайн албан тушаалд тавигдах шинэ шаардлагыг хангаагүй гэх үндэслэлээр гаргасан нь хуульд нийцсэн байна. Төрийн аудитын тухай хуулийн дагуу Ерөнхий аудиторын эрх хэмжээний хүрээнд байгууллагын бүтэц, орон тоо, албан тушаалын тодорхойлолтыг шинэчлэн батлах, ажилтнуудыг сонгон шалгаруулж томилох, чөлөөлөх эрхтэй. Нэхэмжлэгчийн өмнө хашиж байсан албан тушаалын шаардлага нь ажлын туршлага хангасан байх ерөнхий шаардлагатай байсан бол шинэчлэгдсэн ажлын байрны тодорхойлолтод төрийн албанд 5-аас доошгүй жил ажилласан байх шаардлага тавигдсан. Нэхэмжлэгч нь шинэ шаардлагыг хангаагүй, мөн анх ажилд орохдоо ч энэ шаардлагыг хангаагүй байсан тул түүнийг ажлаас чөлөөлсөн нь үндэслэлтэй байна. Захиргааны байгууллага нь эрх хэмжээнийхээ хүрээнд хуульд заасан шаардлагад нийцүүлэн сонгох боломжийг хэрэглэн албан тушаалд тавигдах шалгуурыг гол болгон сонголт хийсэн нь зөв байна.