Тогтоол №5601

ХЭРГИЙН ТАНИЛЦУУЛГА: Компанийн гүйцэтгэх албан тушаалтан нь орон сууц худалдан авагчдад төлбөрийн баримт олгоогүй нь холбогдсон зөрчлийн шийтгэлийн хуудсыг хүчингүй болгуулах шаардлага гаргасан. Компани нь тухайн үед мөрдөгдөж байсан хууль тогтоомжийг буруу хэрэглэсэн, хууль бус акт гаргасан гэж үзсэн. АНХАН ШАТ: Улсын байцаагчаас компанийн гүйцэтгэх албан тушаалтанд Зөрчлийн тухай хуулийн 11.19 дүгээр зүйлийн 12.1-т заасны дагуу торгууль ногдуулсан шийтгэлийг Захиргааны хэрэг шүүхэд хянан шийдвэрлэх тухай хуулийн 106 дугаар зүйлийн 106.3.11-д заасны дагуу дахин шинэ акт гаргах хүртэл хоёр сарын хугацаагаар түдгэлзүүлэхээр шийдвэрлэв.

ҮНДЭСЛЭЛ: Зөрчлийн тухай хуулийн 1.4 дүгээр зүйлийн 3, 4, 5-т заасныг баримтлан, зөрчлийг шийдвэрлэхдээ зөрчил үйлдэгдсэн үеийн хуулийг хэрэглэх ёстой байтал шинээр мөрдөгдөж эхэлсэн хуулиар шийтгэл ногдуулсан байдал тогтоогдсон. Мөн холбогдох хууль тогтоомжийг зөрчсөн эсэх, шийтгэл ногдуулах үндэслэлийг эрх бүхий албан тушаалтан бүрэн нотолж тогтоох үүрэгтэй байтал зөрчлийг хангалттай нотлоогүй, зөрчил шалган шийдвэрлэх ажиллагааны явцад хууль бус үйлдэл гарсан нь шүүхээс тогтоогдсон.