Тогтоол №3512

ХЭРГИЙН ТАНИЛЦУУЛГА: Төрийн албан хаагчийг сонгуулийн сурталчилгаанд оролцсон үндэслэлээр ажлаас чөлөөлсөн захиргааны актыг эс зөвшөөрч, албан тушаалд эгүүлэн тогтоолгож, олговор гаргуулах тухай нэхэмжлэл гаргажээ. АНХАН ШАТ: Нэхэмжлэлийг хангаж, ажлаас чөлөлсөн тогтоолыг хүчингүй болгон, албан тушаалд эгүүлэн тогтоож, олговор гаргуулах шийдвэрлэжээ.

ҮНДЭСЛЭЛ: Хууль бусаар албан тушаалаас чөлөлсөн. Төрийн албаны тухай хуулийн 15 дугаар зүйлийг зөрчсөн нь тогтоогдоогүй. Хуулийн 26.7-д заасныг баримтлан сахилгын шийтгэл ногдуулах нь үндэслэлгүй. Албан тушаалаас чөлөөлөхөд Захиргааны ерөнхий хуульд заасан журмыг зөрчсөн. Төрийн жинхэнэ албан хаагчийн нэмэгдэл баталгааг зөрчсөн. Төрийн албаны тухай хуулийн 25, 26.1.3-т зааснаас бусад тохиолдолд халагдахгүй байх баталгааг эдлэх эрхтэй. Хамтран ажиллах боломжгүй гэсэн үндэслэлээр ажлаас халах хуулийн үндэслэл байхгүй. Албан хаагчийн эрхэлж байсан албан тушаал нь сонгуулийн үр дүнд өөрчлөгдсөнөөс үүдэн өөрчлөгдөх үндэслэл болохгүй. Ашиг сонирхлын зөрчлийн тухай хуулийг зөрчсөн, ажлын байрны тодорхойлолтыг биелүүлээгүй гэх хариуцагчийн маргаан нь үндэслэлгүй. Ажлаас чөлөөлсөн тогтоол нь хууль бус, утга агуулгын хувьд алдаатай. Хуулийн 15.1.14-т заасныг зөрчсөн нь тогтоогдоогүй тул үндэслэлгүй халсан. Хамгийн сүүлийн 3 сарын дундаж цалин хөлсөөр тооцож, олговор гаргуулах нь зүйтэй.