Тогтоол №3094

ХЭРГИЙН ТАНИЛЦУУЛГА: Иргэн Засаг даргыг сонгох хуралдааны явцад хууль, дэг зөрчигдсөн, бүртгэл дууссан хойно санал авсан, саналын тоо баримтгүй гэх үндэслэлээр тогтоолыг хүчингүй болгуулахаар нэхэмжилжээ. АНХАН ШАТ: Нэхэмжлэлийг бүхэлд нь хэрэгсэхгүй болгосон.

ҮНДЭСЛЭЛ: Иргэдийн Нийтийн Хурлыг хүчинтэй байхад шаардагдах иргэдийн оролцооны хангалттай байдал болон нэр дэвшигчийн олонхийн санал авсан эсэхэд голчлон маргаан үүсчээ. Нэхэмжлэгч нь хурлын үеэр хаалга түгжиж, бүртгэл дууссаны дараа иргэдийг оруулж санал авсан, саналын тоо, гарын үсэг зөрүүтэй, дугаарлалт алдаатай байсан зэрэг зөрчлүүдийг дурджээ. Хариуцагч нь хурлыг зохион байгуулах комисс, тооллогын комисс ажилласан, нэрсийн жагсаалтыг хүн ам өрхийн мэдээллийн санд үндэслэн шалгасан, хаалга түгжих, зөрчил гаргасан үйлдэл байхгүй, иргэдийг санал өгөх эрхийг хязгаарлаагүй, нэрсийн жагсаалтад бүртгэгдсэн иргэдээс 50-иас дээш хувийн санал авсан нэр дэвшигчийг баталгаажуулсан гэж тайлбарлажээ. Шүүх хуралдаанаар цугларсан нотлох баримт, оролцогчдын тайлбарт үндэслэн, багийн Засаг даргыг сонгох санал хураалт хууль тогтоомж, хурлын дэг зөрчсөн, бүртгэл дууссан хойно иргэдээр санал авсан, саналын тоо гарын үсгээр баталгаажаагүй, дугаарлалт алдаатай, хаяггүй иргэнд дугаар өгсөн зэрэг зөрчлүүд хангалттай нотлогдоогүй, нэр дэвшигч нь оролцсон иргэдийн олонхийн санал авсан нь тогтоогдож, тогтоол, сонгуулийг хүчингүй болгох үндэслэлгүй гэж үзжээ.