Тогтоол №2200

ХЭРГИЙН ТАНИЛЦУУЛГА: Компанийн экспортолсон жоншны Ашигт малтмал нөөц ашигласны төлбөрийг жишиг үнээр тооцож ногдуулсан татварын улсын байцаагчийн актыг хүчингүй болгуулахаар гаргасан нэхэмжлэлийг авч хэлэлцсэн. Компанийн зүгээс экспортолсон бүтээгдэхүүн нь боловсруулсан баяжмал тул хүдрийн ангилалд оруулан жишиг үнээр тооцох нь үндэслэлгүй, мөн олборлолт хийгээгүй бичил уурхайчдаас авсан гэж маргасан. Хариуцагчийн зүгээс компанийн олборлолт хийсэн, экспортолсон жоншийг Засгийн газрын тогтоолоор баталсан жишиг үнээр тооцон ногдуулсан нь хуульд нийцсэн, зөрчилгүй гэж тайлбарласан. АНХАН ШАТ: Компанийн нэхэмжлэлийг бүхэлд нь хэрэгсэхгүй болгож, татварын актыг хэвээр үлдээсэн. Гэхдээ Торгууль, алдангийн төлбөрийг Өршөөл үзүүлэх тухай хуулиар хэлтрүүлэхээр тогтоосон.

ҮНДЭСЛЭЛ: Компани нь тусгай зөвшөөрлийн дагуу олборлолт хийсэн, экспортлосон жоншинд ашигт малтмал нөөц ашигласны төлбөр ногдуулах нь хуульд нийцсэн. Экспортын бүтээгдэхүүний борлуулалтын үнэлгээг олон улсын зах зээлийн үнийг баримтлан тооцох нь хуулиар тогтоогдсон. Компани нь экспортлосон жоншийг бусдаас худалдан авсан гэх баримт нотлогдоогүй, олборлолт хийсэн нь тогтоогдсон. Хайлуур жоншны баяжмал нь Ашигт малтмалын тухай хуулийн дагуу хүдрийн ангилалд хамаарна. Татварын улсын байцаагчаас ногдуулсан торгууль, алдангийг Өршөөл үзүүлэх тухай хуулиар хэлтрүүлсэн.