Тогтоол №11500

ХЭРГИЙН ТАНИЛЦУУЛГА: Нэхэмжлэгч нь нийслэлийн Засаг даргын газар эзэмших эрхтэй холбоотой захирамж, нийслэлийн иргэдийн Төлөөлөгчдийн Хурлын нийтийн эдэлбэр газрын байршил тогтоосон тогтоолуудыг хүчингүй болгуулахаар нэхэмжилжээ. Нэхэмжлэлийн үндэслэл нь компанид олгосон газар эзэмших эрхийг шүүхийн шийдвэрээр сэргээснээс хойш дахин хүчингүй болгосон нь үндэслэлгүй, сонсголын ажиллагаа явуулаагүй, нийтийн эдэлбэр газарт буруу тогтоосон гэв. Хариуцагч нь нийтийн эрх ашгийг хөндсөн, хуульд нийцээгүй газар олголтыг таслан зогсоосон, нийтийн эдэлбэрийн газарт хийсэн тогтоол нь хуульд нийцсэн гэж тайлбарлажээ.

АНХАН ШАТ: Нийслэл дэх Захиргааны хэргийн анхан шатны шүүхээс нэхэмжлэлийг бүхэлд нь хэрэгсэхгүй болгосон.

ҮНДЭСЛЭЛ: Шүүхээс нийслэлийн Засаг даргын 2012 оны захирамжаар өмнөх газрын хэмжээ, зориулалтыг өөрчилж эзэмшүүлсэн нь Газрын тухай хуулийн шаардлагыг хангаагүй тул Засаг даргын өөрийн хууль бус шийдвэрийг хүчингүй болгох эрх хэмжээ нь үндэслэлтэй байсан. Мөн тухайн газар нь нийтийн эдэлбэрийн газар байхаар тогтоогдсон, хуульд заасан журмын дагуу нийтээр ашиглахаар тогтоогдсон гэж үзсэн. Компанийн газар эзэмших эрхийг хүчингүй болгосон нь нийтийн эрх ашиг, эерэг нөлөөлөл бүхий акт гэж үзэх боломжгүй, шүүхийн шийдвэрийг дахин биелүүлсэн акт биш гэж дүгнэн, нэхэмжлэлийг хэрэгсэхгүй болгосон.