Тогтоол №10694

ХЭРГИЙН ТАНИЛЦУУЛГА: Төрийн албан хаагчийг албан тушаалаас чөлөөлөхдөө хууль бусаар хандсан, дахин ажилд томилоогүй, цалин хөлс болон даатгалыг нөхөн төлөөгүй гэх үндэслэлээр иргэн Т.П нь хариуцагч яамны холбогдох тушаалыг хүчингүй болгуулах, хууль бус эс үйлдлийг тогтоолгож, албан тушаалд эгүүлэн томилж, цалин, даатгалыг нөхөн төлүүлэхээр нэхэмжилсэн. АНХАН ШАТ: Нэхэмжлэгчийн албан тушаалтай холбоотой тушаалыг хүчингүй болгуулах шаардлагыг хэрэгсэхгүй болгож, хариуцагчийн эс үйлдэхүйг илт хууль бус болохыг тогтоож, урьд эрхэлж байсан албан тушаалтай дүйцэхүйц албан тушаалд эгүүлэн томилох, ажилгүй байсан хугацааны олговор болон даатгалыг нөхөн төлүүлэхийг даалгасан.

ҮНДЭСЛЭЛ: Албан тушаалаас чөлөөлсөн тушаалыг хүчингүй болгуулах шаардлагыг хэрэгсэхгүй болгосон нь байгууллагын бүтцийн өөрчлөлттэй холбоотой бөгөөд тушаалыг хүчингүй болгосноор нэхэмжлэгчийн эрх сэргэх боломжгүй гэж үзжээ. Нэхэмжлэгчийн урьд эрхэлж байсан албан тушаалтай дүйцэхүйц чиг үүрэгтэй албан тушаалын орон тоо, ажлын байрны тодорхойлолт хэвээр хадгалагдсан байхад эгүүлэн томилоогүй нь Төрийн албаны тухай хуулийн 27.2.3, 27.2.4-т заасныг зөрчсөн, илт хууль бус эс үйлдэл болохыг тогтоож, нэхэмжлэлийг хангасан. Ажилгүй байсан хугацааны олговор, нийгмийн болон эрүүл мэндийн даатгалыг нөхөн төлүүлэх нь холбогдох хуулиуд, тухайлбал Хөдөлмөрийн тухай хуулийн 69.1-т заасны дагуу хийгдсэн.