ХЭРГИЙН ТАНИЛЦУУЛГА: Хайгуулын тусгай зөвшөөрлөө ашиглалтын тусгай зөвшөөрөл болгохтой холбогдуулан мэргэжлийн байгууллагуудаас санал авахаас татгалзсан захиргааны байгууллагын үйлдлийг хууль бус эсэхийг тогтоолгох тухай нэхэмжлэл. АНХАН ШАТ: Хариуцагчийн санал авахаас татгалзсан үйлдлийг хууль бус болохыг тогтоож, хуульд заасан журмаар санал авахаар даалгах шийдвэр.
ҮНДЭСЛЭЛ: Захиргааны байгууллага нь цацраг идэвхит ашигт малтмал ашиглах тусгай зөвшөөрөл олгохтой холбоотой харилцаанд Цөмийн энергийн тухай хуулийг мөрдөх ёстой. Цөмийн энергийн тухай хуульд заасан журмын дагуу санал авахаас татгалзах, эсхүл дахин санал авахаас татгалзах эрхийг хязгаарласан зохицуулалт байхгүй. Нэхэмжлэгчийн эрх ашиг хууль ёсоор хамгаалагдсан.