ХЭРГИЙН ТАНИЛЦУУЛГА: "А" ХХК нь цацраг идэвхт ашигт малтмал ашиглах тусгай зөвшөөрөл хүссэн өргөдлийг нь татгалзсан Ашигт малтмал, газрын тосны газрын Геологи, уул уурхайн кадастрын хэлтсийн даргын шийдвэрийг хүчингүй болгуулах шаардлага гаргав. АНХАН ШАТ: Нэхэмжлэлийг хангаж, хариуцагчийн шийдвэрийг хүчингүй болгосон.
ҮНДЭСЛЭЛ: Хариуцагч нь Цөмийн энергийн тухай хуульд заасан шаардлагуудыг хангаж эсэхийг хянах, холбогдох байгууллагуудаас санал авахаас өмнө буюу шаардлагатай баримт бичгийг шинэчлэн гаргуулах боломж олгоогүй байхад өргөдлийг татгалзсан нь хууль бус. Холбогдох байгууллагууд нь нэхэмжлэгчээс хуулийн шаардлагыг хангасан баримт бичгийг ирүүлсний дараа санал өгөх байдлаар хандсан нь "санал өгөх боломжгүй" гэсэн хариу ирсэн гэх хариуцагчийн тайлбарыг үгүйсгэж байна. Хариуцагчийн үйлдлээс үүдэн нэхэмжлэгч нь цацраг идэвхт ашигт малтмал ашиглах тусгай зөвшөөрөл авахад шаардлагатай байсан захиргааны шийдвэр гаргах ажиллагааг алдагдуулсан.