Тогтоол №10177

ХЭРГИЙН ТАНИЛЦУУЛГА: Хугацаа нь дууссан хүнсний бүтээгдэхүүн борлуулсан гэх үндэслэлээр хуулийн этгээд болох "У" ХХК-ийн эсрэг Мэргэжлийн хяналтын байцаагчаас ногдуулсан торгуулийн шийтгэлийг хүчингүй болгуулахаар тус компани шүүхэд гомдол гаргасан. Компаний зүгээс худалдагчийн алдааг дурдаж, хариуцлагыг худалдагч хариуцах ёстой, мөн худалдан авсан иргэнд хохирол учираагүй гэж маргажээ. АНХАН ШАТ: Хугацаа нь дууссан хүнсний бүтээгдэхүүн худалдсан "У" ХХК-ийг Зөрчлийн тухай хуулийн 6.15 дугаар зүйлийн 3.1-д заасныг үндэслэн 5,000,000 төгрөгөөр торгох шийтгэлийг хүчингүй болгуулах тухай гаргасан гомдлыг хэрэгсэхгүй болгож шийдвэрлэв.

ҮНДЭСЛЭЛ: Хуулийн этгээд нь өөрийн нэрээр эрх олж, үүрэг хүлээдэг, үйл ажиллагааны үр дагаврыг хариуцдаг тул хугацаа нь дууссан бүтээгдэхүүний борлолтын хариуцлагыг компанийн эд хөрөнгөөр хариуцдаг. Хэдийгээр худалдагч нь компанийн ажилтан боловч, хуулийн этгээдийн эд хөрөнгө нь тухайн хуулийн этгээдийн өмч байдаг тул хариуцлагыг худалдагчаар хүлээлгэх хууль зүйн үндэслэлгүй. Зөрчлийн тухай хуульд хугацаа нь хэтэрсэн бараа борлуулсан тохиолдолд хуулийн этгээдийг торгохоор заасан бөгөөд хохирол учруулсан эсэх нь хамааралгүй.