Шүүхийн тогтоол #9546

ХЭРГИЙН ТАНИЛЦУУЛГА: Нэхэмжлэгч нь хариуцагчтай байгуулсан зээлийн гэрээний үндэслэлээр 21,500,000 төгрөг гаргуулахээр нэхэмжилжээ. Хариуцагч нэхэмжлэлийг эс зөвшөөрч, мөнгийг зээлээгүй, хамтран амьдрах хугацаандаа хамтдаа хэрэглэсэн, эрүүл мэнд, сэтгэл санааны хохирол учруулсан, дахин хүүхэдтэй болох боломжгүй болсон гэж маргасан. АНХАН ШАТ: Монгол Улсын Иргэний хуулийн 281 дүгээр зүйлийн 281.1-д заасныг үндэслэн хариуцагчаас 21,500,000 төгрөг гаргуулж нэхэмжлэгчид олгож, улсын тэмдэгтийн хураамж болон зардал гаргуулах шийдвэр гаргажээ. ДАВЖ ЗААЛДАХ ШАТ: Анхан шатны шүүхийн шийдвэрийг хэвээр үлдээж, хариуцагчийн гомдлыг хангахгүй орхижээ. ХЯНАЛТЫН ШАТ: Анхан болон давж заалдах шатны шүүхээс талуудын хооронд зээлийн гэрээ байгуулагдсан гэж дүгнэн, нэхэмжлэлийг хангасан нь хууль хэрэглээний хувьд эргэлзээтэй байна. Түүнчлэн, шилжүүлсэн мөнгөний гүйлгээний утга болон хариуцагчийн тайлбарыг хангалттай үнэлэлт, дүгнэлтгүй орхисон. ҮНДЭСЛЭЛ: Хоёр шатны шүүх зохигчдын хооронд үүссэн эрх зүйн харилцааг зөв тодорхойлсон эсэх нь эргэлзээтэй байх тул шүүхийн шийдвэр, магадлалыг хүчингүй болгож, хэргийг дахин хянан хэлэлцүүлэхээр буцаах нь зүйтэй.