Тогтоол №9154

ХЭРГИЙН ТАНИЛЦУУЛГА: Нэхэмжлэгч нь хариуцагчаас зээлийн гэрээний үүрэг, түүний дотор барьцаа хөрөнгөөр үүргийн гүйцэтгэлийг хангуулах шаардлага гаргасан. Хариуцагч нь зээлийн төлбөрийн зарим хэсгийг төлсөн, барьцаа хөрөнгөөр үүргийн гүйцэтгэлийг хангуулах шаардлагыг зөвшөөрөхгүй гэж маргажээ. АНХАН ШАТ: Хариуцагчаас тодорхой хэмжээний төгрөгийг гаргуулах, үлдэх нэхэмжлэлийг болон барьцаа хөрөнгөөр үүргийн гүйцэтгэлийг хангуулах шаардлагыг хэрэгсэхгүй болгож шийдвэрлэв. ДАВЖ ЗААЛДАХ ШАТ: Анхан шатны шүүхийн шийдвэрийг хүчингүй болгож, хэргийг дахин шийдвэрлүүлэхээр анхан шатны шүүхэд буцаав. Үндэслэл нь нэмэлт гэрээ нь үндсэн барьцаат гэрээний салшгүй хэсэг байхад уг заалтын талаар талуудыг мэтгэлцүүлээгүй, гэрээ улсын бүртгэлд бүртгэгдсэн эсэх, үүрэг биелэгдсэн эсэх нь тодорхой бус гэсэн дүгнэлт хийжээ. ХЯНАЛТЫН ШАТ: Хариуцагчийн итгэмжлэгдсэн төлөөлөгч давж заалдах шатны шүүхийн магадлалыг эс зөвшөөрч, анхан шатны шүүхийн шийдвэр хуульд нийцсэн, үндэслэлтэй байсан гэж гомдол гаргасан. Барьцааны гэрээ нь үндсэн гэрээний үүрэг биелэгдсэний дараа дуусгавар болсон, нэмэлт гэрээг улсын бүртгэлд бүртгүүлээгүй нь барьцааны эрх үүсэхгүй гэж гомдолд дурджээ. ҮНДЭСЛЭЛ: Давж заалдах шатны шүүхийн магадлал хууль ёсны болон үндэслэл бүхий байх шаардлагад нийцээгүй байхад анхан шатны шүүх Иргэний хуулийн холбогдох зүйл заалтуудыг зөв тайлбарлан, үүргийн гүйцэтгэлийг хангуулах шаардлагыг зохигчийн тайлбар, хэргийн баримтыг үндэслэн зөв шийдвэрлэсэн. Хяналтын шатны шүүх давж заалдах шатны шүүхийн магадлалыг хүчингүй болгож, анхан шатны шүүхийн шийдвэрийг хэвээр үлдээв.