Тогтоол №8771

ХЭРГИЙН ТАНИЛЦУУЛГА: Улс төрийн хилс хэрэгт хэлмэгдэж цагаатгагдсан Ванхут овогтой Далхаагийн нөхөх олговорт 80,000,000 төгрөг гаргуулах тухай нэхэмжлэл гаргасан. АНХАН ШАТ: Улс төрийн хилс хэрэгт хэлмэгдэгчийг цагаатгах, тэдэнд нөхөх олговор олгох тухай хуулийн 13 дугаар зүйлийн 13.2.1-д заасныг баримтлан Баянгол дүүргийн Засаг даргын Тамгын газраас нэхэмжлэгч Д.Хоролсүрэн болон гуравдагч этгээд Д.Сэржмядагт тус бүр 40,000,000 төгрөг гаргуулан олгох шийдвэрлэсэн. ДАВЖ ЗААЛДАХ ШАТ: Анхан шатны шүүхийн шийдвэрийг хэвээр үлдээж, гуравдагч этгээдийн гомдлыг хангахгүй орхисон. ХЯНАЛТЫН ШАТ: Гуравдагч этгээдийн итгэмжлэгдсэн төлөөлөгч нь нэхэмжлэгч нь хэлмэгдэгчийн төрсөн охин биш, шинжээч томилуулах хүсэлтийг шийдвэрлээгүй, бусад эрх хангагдаагүй зэрэг үндэслэлээр давж заалдах шатны шүүхийн магадлалыг эс зөвшөөрч гомдол гаргасан. ҮНДЭСЛЭЛ: Хяналтын шатны шүүхээс анхны болон давж заалдах шатны шүүхийн шийдвэр, магадлалыг хэвээр үлдээж, гомдлыг хангахгүй орхисон. Нэхэмжлэгч нь шүүхийн хүчин төгөлдөр шийдвэрээр хэлмэгдэгчийн охин болох нь тогтоогдсон байхад, шинжээч томилуулах шаардлагагүй, гуравдагч этгээдийн эрх ашиг хөндөгдөөгүй гэж дүгнэсэн.