Тогтоол №8334

ХЭРГИЙН ТАНИЛЦУУЛГА: Нэхэмжлэгч "М и э" ХХК нь "Х х" ХХК, Б.Б нараас худалдах-худалдан авах гэрээний үүрэгт 4,150,000 төгрөг гаргуулах шаардлага гаргасан. Хариуцагч "Х х" ХХК нь гэрээ байгуулаагүй, Б.Б нь тус компанийг төлөөлөх эрхгүй этгээд гэж, хариуцагч Б.Б нь "Х х" ХХК-ийн ажилтан байхдаа тушаалаар уурхайд ажиллаж байсан гэж маргажээ. АНХАН ШАТ: Иргэний хуулийн 243 дугаар зүйлийн 243.1-д заасныг баримтлан Б.Б-ээс 4,150,000 төгрөг гаргуулж нэхэмжлэгчид олгож, "Х х" ХХК-иас шаардлагыг хэрэгсэхгүй болгосон. ДАВЖ ЗААЛДАХ ШАТ: Нэхэмжлэгчийн өмгөөлөгчийн нотлох баримт гаргуулах хүсэлтийг шүүх хангаагүй нь хууль зөрчсөн үндэслэлтэй гэж үзэн анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаасан. ХЯНАЛТЫН ШАТ: Хариуцагчийн итгэмжлэгдсэн төлөөлөгчийн гаргасан гомдлыг хангахгүй орхиж, давж заалдах шатны шүүхийн магадлалыг хэвээр үлдээв. ҮНДЭСЛЭЛ: Анхан шатны шүүх нь нэхэмжлэгчийн өмгөөлөгчийн нотлох баримт гаргуулах хүсэлтийг хангаагүй нь Иргэний хэрэг шүүхэд хянан шийдвэрлэх тухай хуулийн 38 дугаар зүйлийн 38.6, 40 дүгээр зүйлийн 40.3-т заасныг зөрчсөн байна. Давж заалдах шатны шүүхийн магадлал хууль ёсны бөгөөд үндэслэл бүхий байна.