ХЭРГИЙН ТАНИЛЦУУЛГА: Нэхэмжлэгч нь зуучлалын гэрээний дагуу төлсөн мөнгөө буцаан шаардсан бөгөөд хариуцагч нь нэхэмжлэгчээс өмгөөлөгчийн хөлс шаарджээ. АНХАН ШАТ: Хариуцагчаас 3,278,808 төгрөг гаргуулан нэхэмжлэгчид олгож, хариуцагчийн сөрөг нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Хариуцагчийн гомдлыг үндэслэн, анхан шатны шүүхийн шийдвэрийг хүчингүй болгож, нэхэмжлэлийн шаардлага болон сөрөг нэхэмжлэлийг хоёуланг нь хэрэгсэхгүй болгосон. ҮНДЭСЛЭЛ: Гэрээ зөрчсөн, учирсан хохирлын шалтгаант холбоо тогтоогдоогүй, виз олгохоос татгалзсан нь хариуцагчийн үйлдэлтэй шууд хамааралгүй, гэрээний дагуу зарим зардлыг нэхэмжлэгч өөрөө хариуцах үүрэгтэй байсан тул нэхэмжлэлийг хангасан нь үндэслэлгүй байна.