ХЭРГИЙН ТАНИЛЦУУЛГА: Нэхэмжлэгч "АБ" ХХК нь хариуцагч Г.З-д холбогдуулан зээлийн гэрээг цуцлуулж, төлөгдөөгүй үүргийг гаргуулах, үүрэг гүйцэтгэгдээгүй тохиолдолд барьцааны хөрөнгөөр үүргийн гүйцэтгэлийг хангуулах шаардлага гаргасан. АНХАН ШАТ: Зээлийн гэрээг цуцалж, хариуцагчаас нэхэмжилсэн төлбөрийг гаргуулж, үүрэг гүйцэтгэгдээгүй тохиолдолд барьцааны хөрөнгөөр үүргийн гүйцэтгэлийг хангуулах шийдвэр гаргасан. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэрийг эс зөвшөөрч, зээлийн гэрээг дүр үзүүлэн хийсэн хэлцэл гэж үзэн, зээлийн хүүгийн дүнг үл хүлээнэ хэмээн гомдол гаргасан. Давж заалдах шатны шүүх анхан шатны шүүхийн шийдвэрийг хэвээр үлдээж, хариуцагчийн гомдлыг хангахгүй орхисон. ХЯНАЛТЫН ШАТ: Хяналтын шатны шүүхийн шийдвэр байхгүй. ҮНДЭСЛЭЛ: Гэрээний үүргээ биелүүлээгүй хариуцагчаас үндсэн зээл, хүү, нэмэгдүүлсэн хүүг шаардах нь Иргэний хуульд нийцнэ. Талууд өмнөх зээлийн үүргээ солихоор тохиролцсон нь шинэ зээлийн гэрээг хүчин төгөлдөр болгоно.