ХЭРГИЙН ТАНИЛЦУУЛГА: Нэхэмжлэгч нь гэрээгээр хүлээсэн үүргээ биелүүлээгүй хариуцагчаас урьдчилгаанд төлсөн мөнгийг буцаан гаргуулах шаардлага гаргасан. Хариуцагч гүйцэтгэсэн ажлаа хүлээн аваагүй, зардлаа урьдчилгаа төлбөрт тооцсон гэж тайлбарласан. АНХАН ШАТ: Хариуцагч “Т Ц” ХХК-иас 12 621 000 төгрөгийг гаргуулж, нэхэмжлэгч “Х” ХХК-д олгож шийдвэрлэсэн. ДАВЖ ЗААЛДАХ ШАТ: Хариуцагч нь нэхэмжлэлийн шаардлага бүрэн тогтоогдоогүй байхад хангаж шийдвэрлэсэнд гомдолтой байна гэв. ХЯНАЛТЫН ШАТ: Анхан шатны шүүхийн шийдвэрт хууль хэрэглээний өөрчлөлт оруулсан. Талууд гэрээнээс татгалзсан байхад Иргэний хуулийн 205 дугаар зүйлийн 205.1 дэх хэсгийг хэрэглээгүй тул шүүхийн шийдвэрт өөрчлөлт оруулах нь зүйтэй гэв. ҮНДЭСЛЭЛ: Талууд ажил гүйцэтгэх гэрээний харилцаа үүсгэсэн. Нэхэмжлэгч урьдчилгаа төлсөн боловч хариуцагч гэрээний хугацаанд үүргээ биелүүлээгүй тул нэхэмжлэгч гэрээнээс татгалзах эрхтэй. Хариуцагч гаргасан зардлаа нотлох баримтаа гаргаж өгөөгүй.