Тогтоол №24562

ХЭРГИЙН ТАНИЛЦУУЛГА: Орон сууцыг худалдан авах гэрээ байгуулалгүй, урьдчилгаа төлж, засвар хийсэн этгээдээс орон сууцыг албадан чөлөөлүүлэх тухай нэхэмжлэл болон төлсөн урьдчилгаа, засварын зардлыг гаргуулах тухай сөрөг нэхэмжлэл. АНХАН ШАТ: Талуудын хооронд байр худалдах, худалдан авах гэрээний журмыг хангаагүйгээс хэлцэл хүчин төгөлдөр бус болохыг тогтоон, орон сууцыг нэхэмжлэгч нарт чөлөөлж өгөх, урьдчилгаа болгон төлсөн 50,000,000 төгрөгийг хариуцагчид буцаан олгох, засварын зардалд холбогдох 41,000,000 төгрөгийг хэрэгсэхгүй болгох шийдвэрлэсэн. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэрийг эс зөвшөөрч, нотлох баримтыг буруу үнэлж, хуулийг буруу тайлбарласан гэж үзэн, өөрийгөө байрыг худалдан авч, шудрагаар эзэмшиж байсан тул хийсэн засварын зардлыг гаргуулах ёстой гэж гомдол гаргасан. Нэхэмжлэгч нь засварын талаар зөвшөөрөл өгөөгүй, баримт гаргаж өгөөгүй тул сөрөг нэхэмжлэлийг бүхэлд нь хэрэгсэхгүй болгуулах шаардлагатай гэж тайлбарласан. ҮНДЭСЛЭЛ: Талуудын хооронд үл хөдлөх эд хөрөнгө шилжүүлэх хэлцлийг хуулийн дагуу хийгээгүй тул хүчин төгөлдөр бус болох нь тогтоогдсон. Өмчлөгч нь өөрийн өмчийг хууль бус эзэмшлээс шаардах эрхтэй. Талууд урьдчилгаа төлбөр тохиролцсон нь тогтоогдсон ч, засварын зардал нь буцаан шаардах үндэслэлд хамаарахгүй. Анхан шатны шүүхийн шийдвэр хууль зүйн үндэслэлтэй тул хэвээр үлдээсэн.