ХЭРГИЙН ТАНИЛЦУУЛГА: Ажилтан нь захиргааны шийдвэрийг хүчингүй болгуулах, ажилгүй байсан хугацааны олговор, даатгал нөхөн төлүүлэхийг шаарджээ. Хариуцагч байгууллага нь шинэчлэгдсэн бүтцийн дагуу ажлын байр шинэчлэн томилсон, хуулийг зөрчөөгүй гэж үзжээ. АНХАН ШАТ: Байгууллагын шийдвэрийг хүчингүй болгуулах нэхэмжлэлийг хэрэгсэхгүй болгож, ажилгүй байсан хугацааны олговор, даатгал нөхөн төлүүлэхийг хангасан. ДАВЖ ЗААЛДАХ ШАТ: Ажилтны гомдлыг хангаж, анхан шатны шүүхийн шийдвэрт өөрчлөлт оруулж, нэхэмжлэлийн шаардлагыг бүхэлд нь хангасан.
ҮНДЭСЛЭЛ: Байгууллага нь ажилтныг шилжүүлэн томилохдоо ажилтантай тохиролцоогүй нь Хөдөлмөрийн тухай хуулийг зөрчсөн, өмнөх албан тушаалд эгүүлэн тогтоосон шүүхийн шийдвэр хангагдаагүй тул шинээр томилсон албан тушаал нь хууль бус болсон.