ХЭРГИЙН ТАНИЛЦУУЛГА: Ажилтан нь сахилгын зөрчил гаргасан гэх үндэслэлээр ажлаас халагдсан бөгөөд энэ нь хөдөлмөрийн гэрээг ноцтой зөрчсөн тооцогдохгүй гэж үзэж, нэхэмжлэл гаргажээ. АНХАН ШАТ: Ажилд эгүүлэн тогтоолгох, олговор гаргуулах нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Анхан шатны шүүхийн шийдвэрийг өөрчилж, ажилд эгүүлэн тогтоолгох, олговор гаргуулах, даатгалын шимтгэлийг нөхөн төлүүлэх шаардлагыг хангасан.
ҮНДЭСЛЭЛ: Ажилтан нь хөдөлмөрийн гэрээнд заасан ноцтой зөрчил гаргаагүй, цаг бүртгэлд хууран мэхэлсэн нь тогтоогдоогүй, ажлаас чөлөөлсөн тушаал нь хуульд нийцээгүй тул давж заалдах шатны шүүх шийдвэрт өөрчлөлт оруулсан.