Тогтоол №19067

ХЭРГИЙН ТАНИЛЦУУЛГА: Иргэн П.О нь худалдан авсан бараа тээвэрлэлтийн явцад галдан шатаалгасан тул учирсан хохирлыг гаргуулахаар хариуцагч Д.Г, Б.Д нарт нэхэмжлэл гаргасан. АНХАН ШАТ: Хариуцагч Б.Д-д холбогдох нэхэмжлэлийг бүхэлд нь хэрэгсэхгүй болгож, хариуцагч Д.Г-оос барааны үнэ болох 1,865,810 төгрөгийг гаргуулж нэхэмжлэгч П.О-д олгох, зарим шаардлагыг хасч шийдвэрлэсэн. ДАВЖ ЗААЛДАХ ШАТ: Хариуцагч Д.Г нь анхан шатны шүүхийн шийдвэрийг эс зөвшөөрч, өөрийгөө буруутайд тооцсон, нэхэмжлэгчтэй эрх зүйн харилцаагүй, ачаа ачсан нь тогтоогдоогүй гэж гомдол гаргасан. Давж заалдах шатны шүүх анхан шатны шүүхийн шийдвэрийг хэвээр үлдээж, хариуцагчийн гомдлыг хангахгүй орхисон.

ҮНДЭСЛЭЛ: Тээвэрлэлтийн явцад гал гарч, ачаа үрэгдсэн нь тогтоогдсон. Хариуцагч Д.Г нь Иргэний хуулийн 499.1-д зааснаар учирсан гэм хорын хохирлыг хариуцах бөгөөд тээвэрлэгчээс чөлөөлөгдөх үндэслэл тогтоогдоогүй. Нэхэмжлэгч П.О нь гэрээний харилцаанд ороогүй боловч эд хөрөнгөнд учирсан хохирлыг хариуцагчаас шаардах эрхтэй. Анхан шатны шүүх Иргэний хуулийн холбогдох зүйл заалтыг зөв тайлбарлан хэрэглэж, хууль ёсны бөгөөд үндэслэл бүхий шийдвэр гаргасан.