Тогтоол №18699

ХЭРГИЙН ТАНИЛЦУУЛГА: "Т" ХХК нь "М" ХХК-д олгосон зээлийн үүрэг, түүнийг барьцаа хөрөнгөөр хангуулах тухай нэхэмжлэлийг "Ч" болон "И" ХХК-иудад тус тус холбогдуулан гаргасан. АНХАН ШАТ: Анхан шатны шүүхээс "Т" ХХК-д "И" болон "Ч" ХХК-иудаас тодорхой мөнгөн хэмжээ гаргуулах, бусад хөрөнгөөр үүргийн гүйцэтгэлийг хангуулах шийдвэр гаргасан. ДАВЖ ЗААЛДАХ ШАТ: Нэхэмжлэгч нь нэхэмжлэлийн шаардлагыг буруу тооцсон, хүү, нэмэгдүүлсэн хүүг үндэслэлгүй тусгасан гэж гомдолтой байв. Хариуцагч "Ч" ХХК нь үндсэн үүрэг гүйцэтгэгчээс төлбөр шаардаагүй, гэрээний эрх үүргээ хэрэгжүүлээгүй гэж үзэн шийдвэрийг эс зөвшөөрөв. Хариуцагч "И" ХХК нь олборлолт зогссон, төлбөр хийсэн тул нэхэмжлэлийг хэрэгсэхгүй болгуулахыг хүссэн.

ҮНДЭСЛЭЛ: Давж заалдах шатны шүүхээс анхан шатны шүүхийн шийдвэр нь Иргэний хэрэг шүүхэд хянан шийдвэрлэх тухай хуулийн заалтуудыг зөрчсөн, хэрэг хянан шийдвэрлэх ажиллагааны журам зөрчигдсөн гэж үзэн шийдвэрийг хүчингүй болгож, хэргийг дахин хэлэлцүүлэхээр буцаасан. Нэхэмжлэгч "Т" ХХК-ийн хамтран хариуцагчаар "М" ХХК-ийг татах хүсэлтийг анхан шатны шүүх хангаагүй нь Иргэний хэрэг шүүхэд хянан шийдвэрлэх тухай хуулийн 26.3-г зөрчсөн байна.