Тогтоол №18159

ХЭРГИЙН ТАНИЛЦУУЛГА: Иргэн Ж.Зундмаа нь өндөр насны тэтгэвэр тогтоолгоход шаардлагатай ажилласан хугалцаагаа тогтоолгох гэж шүүхэд хандсан. Түүний хөдөлмөрийн дэвтэр дэх бичилт дутуу, аав ээжтэйгээ хамт мал маллаж байсан тул цалин нь аавынх нь нэр дээр бичигдэж байсан, зарим онд нэр нь дутуу орхигдсон гэж нэхэмжилжээ. АНХАН ШАТ: Иргэн Ж.Зундмааг 1989 оны 07 дугаар сарын 07-ноос 1991 оны 12 дугаар сарын 31-ний өдрийг дуустал малчнаар ажилласныг тогтоож, 1992 оны 01 дүгээр сарын 01-нээс 1994 оны 12 дугаар сарын 31-ний өдрийг дуустал ажилласныг тогтоолгох шаардлагыг нь нээлттэй орхисон. ДАВЖ ЗААЛДАХ ШАТ: Нэхэмжлэгчийн итгэмжлэгдсэн төлөөлөгч анхан шатны шүүх нотлох баримтыг бүрэн үнэлээгүй, зөвхөн архивын баримтад нэр бичигдээгүй гэх үндэслэлээр нэхэмжлэлийн зарим хэсгийг хангаагүй нь хуульд заасан нотлох баримтыг бүрэн үнэлэх шаардлагыг хангаагүй гэж үзэн, шийдвэрийг өөрчилж, бүх хугацааг тогтоолгохоор гомдол гаргасан. Давж заалдах шатны шүүхээс анхан шатны шүүхийн шийдвэр нь хууль ёсны болон үндэслэл бүхий байх шаардлага хангаагүй, хэргийн зарим хэсгийг тодорхой шийдвэрлээгүй, зарим хэсгийг хэрхэн шийдвэрлэсэн нь тодорхойгүй орхигдуулсан нь хуульд нийцээгүй гэж дүгнэн, шийдвэрийг хүчингүй болгож, хэргийг дахин шийдвэрлүүлэхээр анхан шатны шүүхэд буцааж шийдвэрлэсэн. ҮНДЭСЛЭЛ: Анхан шатны шүүх нь хэргийг бүхэлд нь шийдвэрлэх буюу нээлттэй орхих замаар шийдвэрлэхдээ Иргэний хэрэг шүүхэд хянан шийдвэрлэх тухай хуулийн холбогдох заалтыг зөрчсөн, хэргийн нэг хэсгийг шийдвэрлэсэн ч нөгөө хэсгийг тодорхойгүй орхисон нь хуульд нийцээгүй.