ХЭРГИЙН ТАНИЛЦУУЛГА: Ажилд эгүүлэн томилуулах, ажилгүй байсан хугацааны олговор гаргуулах, нийгмийн болон эрүүл мэндийн даатгалын дэвтэрт нөхөн бичилт хийлгэх тухай нэхэмжлэлийн шаардлага. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгож шийдвэрлэсэн. Хөдөлмөрийн тухай хуулийн 40 дүгээр зүйлийн 40.1, 40.1.7, Иргэний хэрэг шүүхэд хянан шийдвэрлэх тухай хуулийн 58 дугаар зүйлийн 58.3, Улсын тэмдэгтийн хураамжийн тухай хуулийн 41 дүгээр зүйлийн 41.1.3-т тус тус заасныг үндэслэв. ДАВЖ ЗААЛДАХ ШАТ: Нэхэмжлэгчийн өмгөөлөгч анхан шатны шүүхийн шийдвэрийг эс зөвшөөрч, Хөдөлмөрийн тухай хуулийг буруу тайлбарлаж хэрэглэсэн гэж гомдол гаргав. Шүүх анхан шатны шүүхийн шийдвэрийн тогтоох хэсэгт өөрчлөлт оруулж, Хөдөлмөрийн тухай хуулийн 128 дугаар зүйлийн 128.1.2-т заасныг үндэслэл болгон, гомдлыг хангаж өгөв.
ҮНДЭСЛЭЛ: Талуудын хооронд хөдөлмөрийн гэрээний харилцаа үүссэн болон Төлөөлөн удирдах зөвлөлийн бүрэн эрх дуусгавар болсонтой холбогдуулан хөдөлмөрийн гэрээний харилцаа Хөдөлмөрийн тухай хуулийн 37 дугаар зүйлийн 37.1.3-т заасны дагуу дуусгавар болсон болохыг тогтоов. Нэхэмжлэгч ажилласан хугацааны баримтаа нотлоогүй, өөр ажил гүйцэтгэсэн нь тогтоогдсон тул ажилд эгүүлэн томилуулах, олговор гаргуулах шаардлага үндэслэлгүй. Шүүх хууль хэрэглээний өөрчлөлт оруулж, анхан шатны шүүхийн шийдвэрийг өөрчлөн, гомдлыг хангаж өгөв.