Тогтоол №17499

ХЭРГИЙН ТАНИЛЦУУЛГА: "П Д " ХХК нь Монгол Улсын Засгийн газарт холбогдуулан концессийн гэрээний дагуу 24,039,936,000 төгрөг гаргуулах тухай нэхэмжлэл гаргажээ. Нэхэмжлэгчийн тайлбар: концессын гэрээний дагуу зам барих ажлыг гүйцэтгэсэн боловч Засгийн газар төлбөр хийгээгүй, улмаар зээлийн хүүгийн улмаас хохирол учирсан. Хариуцагчийн тайлбар: уг хэрэг нь захиргааны хэргийн шүүхийн харьяалалтай, санхүүжилт нь улсын төсөвт тусгагдаагүй, гэрээнд эрсдлийг хуваарилах заалт байхгүй, улмаар нэхэмжлэлийн шаардлагыг хүлээн зөвшөөрөх боломжгүй.

АНХАН ШАТ: Хариуцагч Монгол Улсын Засгийн газраас 21,844,136,000 төгрөг гаргуулж, нэхэмжлэгч "П Д " ХХК-д олгож, нэхэмжлэлийн зарим хэсгийг хэрэгсэхгүй болгож, улсын тэмдэгтийн хураамжийг шийдвэрлэсэн.

ДАВЖ ЗААЛДАХ ШАТ: Нэхэмжлэгч: анхан шатны шүүхээс тогтоосон бодит бус зардлыг хасаж шийдвэрлэсэн нь үндэслэлгүй, гэрээний үнийн дүнг аудитын байгууллага тогтоох эрхгүй. Хариуцагч: шүүх нэхэмжлэлийн шаардлагын хүрээнд хэргийг шийдвэрлээгүй, гүйцэтгэлийг санхүүжүүлэх боломжгүй нөхцөл байдлыг харгалзаагүй, хохирлыг буруу тооцсон.

ҮНДЭСЛЭЛ: Давж заалдах шатны шүүхээс анхан шатны шүүхийн шийдвэрийг өөрчилж, нэхэмжлэлийн шаардлагаас 14,982,400,000 төгрөгийг гаргуулж, үлдэх хэсгийг хэрэгсэхгүй болгожээ. Гэрээний дагуу гүйцэтгэсэн ажлын төлбөр гаргуулах маргаан нь иргэний эрх зүйн харилцаанд хамаарна. Улсын төсөвт суулгаагүй тохиолдолд "вексел" гаргаж өгөх гэрээний заалтыг анхаарахгүйгээр мөнгөн төлбөр хийлгэх нь үндэслэлгүй. Хохирлыг тодорхойлохдоо гэрээний үүргээ биелүүлээгүйгээс учирсан хохирол гэж үзэх боломжгүй нөхцлүүдийг харгалзсан.