ХЭРГИЙН ТАНИЛЦУУЛГА: Ажилтан нь ажлаас халагдсанаа хууль бус гэж үзэн, ажилд эгүүлэн тогтоолгож, олговор гаргуулахаар нэхэмжилжээ. АНХАН ШАТ: Хөдөлмөрийн тухай хуулийн холбогдох зүйл заалтыг үндэслэн нэхэмжлэлийг бүхэлд нь хангахаас татгалзсан. ДАВЖ ЗААЛДАХ ШАТ: Нэхэмжлэгч нь анхан шатны шүүхийн шийдвэр нь хууль ёсны болон үндэслэлтэй байх шаардлагад нийцээгүй, байнгын ажлын байранд хугацаатай гэрээ байгуулсан нь хуульд нийцсэн эсэх талаар нотлох баримт хангалтгүй, шинжээч томилуулах хүсэлтийг хангаагүй зэрэг үндэслэлээр анхан шатны шүүхийн шийдвэрийг хүчингүй болгож, хэргийг дахин шийдвэрлүүлэхээр буцаахыг хүссэн. ХЯНАВАЛ: Ажил олгогчоос байгуулсан хөдөлмөрийн гэрээ нь ажиллагааны онцлог, бизнесийн хэрэгцээ шаардлагыг харгалзсан, гэрээний хугацаа дууссаны улмаас гэрээг дуусгавар болгосон нь хуульд нийцсэн, шүүхээс холбогдох хуулийн зүйл заалтыг зөв тайлбарлан хэрэглэсэн, шинжээч томилуулах хүсэлт нь хэргийг хянан шийдвэрлэхэд ач холбогдолгүй байсан тул анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхисон.