Тогтоол №16193

ХЭРГИЙН ТАНИЛЦУУЛГА: Ажилгүй байсан хугацааны дундаж цалин хөлстэй тэнцэх олговор болон жилийн үр дүнгийн урамшуулал гаргуулах тухай иргэний хэрэг. АНХАН ШАТ: Нэхэмжлэлийн зарим хэсгийг хангаж, хариуцагчаас ажилгүй байсан хугацааны дундаж цалин хөлстэй тэнцэх олговор гаргуулах, нийгмийн даатгалыг нөхөн төлүүлэх, дэвтэрт бичилт хийлгүүлэхийг даалгаж, үлдсэн хэсгийг нь хэрэгсэхгүй болгосон. ДАВЖ ЗААЛДАХ ШАТ: Нэхэмжлэгчийн төлөөлөгч, өмгөөлөгч нар дундаж цалин хөлсийг тооцох боломжгүй гэсэн анхан шатны шүүхийн дүгнэлтийг эс зөвшөөрч, нэхэмжлэлийн шаардлагыг бүхэлд нь хангах талаар гомдол гаргасан. Хариуцагчийн төлөөлөгч дундаж цалин хөлсийг тооцохдоо хөдөлмөрийн гэрээний нөхцөл, ажилласан хоногийг буруу тооцсон, шагналт цалинг олгох боломжгүй гэж үзэж, нэхэмжлэлийн шаардлагыг хэрэгсэхгүй болгох талаар гомдол гаргасан. ҮНДЭСЛЭЛ: Давж заалдах шатны шүүхээс анхан шатны шүүхийн шийдвэр нь хууль ёсны болон үндэслэл бүхий байх тухай хуулийн шаардлагыг хангаагүй гэж үзэв. Ажилгүй байсан хугацааны дундаж цалин хөлсийг тооцоход нэхэмжлэгчийн өмнөх ажлын үеийн дундаж цалин хөлсийг буруу тооцсон, Авлигатай тэмцэх газарт ажилласан хугацааг харгалзаж үзээгүй, жилийн үр дүнгийн урамшуулал олгох боломжгүй гэсэн үндэслэлүүдийг шүүх шалгаж, ажилгүй байсан хугацааны олговорыг нэмэгдүүлж, жилийн үр дүнгийн урамшлыг хэрэгсэхгүй болгосон.