Тогтоол №13113

ХЭРГИЙН ТАНИЛЦУУЛГА: Үл хөдлөх хөрөнгийг бэлэглэсэн гэх гэрээнүүдийг хүчин төгөлдөр бусд тооцуулах, хөрөнгөө буцаан авах тухай нэхэмжлэл. АНХАН ШАТ: Нэхэмжлэлийн шаардлагыг хангаж, 4 үл хөдлөх хөрөнгийг хүчин төгөлдөр бус гэж үзэн нэхэмжлэгчдийн өмчлөлд буцаан бүртгүүлэхээр шийдвэрлэв. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч анхан шатны шүүхийн шийдвэр хууль ёсны болон үндэслэлтэй байх шаардлагыг хангаагүй, хөөн хэлэлцэх хугацаа дууссан, худалдах, худалдан авах гэрээ байгуулах талаар тохиролцоо хийгээгүй гэж гомдол гаргасан.

ҮНДЭСЛЭЛ: Нэхэмжлэгчид хөрөнгөө хариу төлбөргүйгээр бэлэглэх бодит үндэслэл, хүсэл зориг байгаагүй, харин худалдах, худалдан авах гэрээг халхавчлан бэлэглэлийн гэрээ хийсэн гэх тайлбар үндэслэлтэй байв. Худалдах, худалдан авах хэлцлийг халхавчлах зорилгоор бэлэглэлийн гэрээ хийгдсэн тул Иргэний хуулийн 56 дугаар зүйлийн 56.1.3-т зааснаар хүчин төгөлдөр бус байх хэлцэл гэж үзэж, үр дагаврыг арилгуулах эрхтэй. Барьцааны эрх гуравдагч этгээдэд үүссэнийг үл харгалзан хүчин төгөлдөр бус хэлцлийн үр дагаврыг арилгуулахаар шаардах эрх үүснэ. Анхан шатны шүүхийн шийдвэр хууль ёсны бөгөөд үндэслэл бүхий байсан тул давж заалдах гомдлыг хангахгүй орхив.