ХЭРГИЙН ТАНИЛЦУУЛГА: Худалдах, худалдан авах гэрээний төлбөр, хохирлыг гаргуулах тухай нэхэмжлэл болон сөрөг нэхэмжлэл. АНХАН ШАТ: Нэхэмжлэлийг бүхэлд нь хэрэгсэхгүй болгож, сөрөг нэхэмжлэлийг хангасан. ДАВЖ ЗААЛДАХ ШАТ: Анхан шатны шүүхийн шийдвэрийг өөрчилж, нэхэмжлэлийн төлбөрийн хэсгийг хангаж, сөрөг нэхэмжлэлийг хэрэгсэхгүй болгосон. ҮНДЭСЛЭЛ: Талуудын хооронд байгуулсан захиалгын хуудас нь худалдах, худалдан авах гэрээ бөгөөд хариуцагч нь бараа нийлүүлэх хугацаа хэтрүүлсэн. Үүний улмаас нэхэмжлэгч татгалзах эрхтэй болсон. Гэрээгээр тохиролцсон хугацааны ач холбогдлыг хариуцагч мэдсэн байх тул нэхэмжлэгч захиалсан барааг хүлээн авахаас татгалзсан нь үндэслэлтэй. Хариуцагч нь нэхэмжлэгч талд мэдэгдэл хийснээ нотлоогүй тул хариуцагчийн сөрөг нэхэмжлэлийг хүлээн аваагүй.