ХЭРГИЙН ТАНИЛЦУУЛГА: Иргэд Б.М, Б.Б нар нь хашаа байр худалдан авах зорилгоор 13 сая төгрөгийг зохион байгуулагч Ч.Цагаансарнай, түүний дүү Н.А нарт шилжүүлэн өгснөө буцаан шаардсан. АНХАН ШАТ: Хариуцагч Н.А-аас 11 сая төгрөгийг гаргуулж нэхэмжлэгч нарт олгох шийдвэрлэсэн. ДАВЖ ЗААЛДАХ ШАТ: Хариуцагч Н.А давж заалдах гомдол гаргаж, анхны шатны шийдвэрийг хүчингүй болгож хэргийг хэрэгсэхгүй болгуулахыг шаардсан. ХЯНАЛТЫН ШАТ: Давж заалдах шатны шүүхээс анхан шатны шүүхийн шийдвэрийг хэвээр үлдээж, хариуцагчийн гомдлыг хангахгүй орхисон. ҮНДЭСЛЭЛ: Хөрөнгө олж авсан этгээд болон хөрөнгөө алдсан этгээдийн хооронд үүрэг үүсээгүй тохиолдолд хөрөнгөө алдсан этгээд нь хөрөнгөө буцаан шаардах эрхтэй. Хариуцагч Н.А нь өөрийн дансанд мөнгө орж ирсэн бүрт нь Ч.Цагаансарнайд авч өгч байсан, сүүлдээ өөрийн виза картыг өгсөн гэх тайлбар нь баримтаар нотлогдоогүй тул үндэслэлгүй хөрөнгөжсөн гэж үзэх үндэслэл тогтоогдож байсан.