Тогтоол №175035

ХЭРГИЙН ТАНИЛЦУУЛГА: Сууц өмчлөгчдийн холбоо нь нийтийн зориулалттай орон сууцны байшингийн дундын өмчлөлийн эд хөрөнгийн засвар, үйлчилгээний төлбөрт 338,********************* төгрөг нэхэмжилсэн. Хариуцагч нь тайлангаа гаргаж өгсөн тохиолдолд төлбөр төлөх боломжтой гэж маргажээ.

АНХАН ШАТ: Шүүх нэхэмжлэлийн шаардлагыг хангаж, Иргэний хуулийн 147 дугаар зүйлийн 147.1 дэх хэсэгт заасныг үндэслэн хариуцагч Т.М*****аас 338,******************* төгрөг гаргуулж, нэхэмжлэгч Б******* ө******* сууц өмчлөгчдийн холбоонд олгохоор шийдвэрлэв. Мөн улсын тэмдэгтийн хураамжид төлсөн 1*******,79******* төгрөгийг хариуцагчаас гаргуулж нэхэмжлэгчид олгох, үлдсэнийг улсын төсөвт үлдээхээр тогтов.

ҮНДЭСЛЭЛ: Сууц өмчлөгчдийн холбоо нь хуулийн этгээдийн эрхгүй боловч Иргэний хуулийн 7 дугаар зүйлийн 7.1-д зааснаар иргэний эрх зүйн харилцаанд оролцох, шүүхэд нэхэмжлэл гаргах эрхтэй. Сууц өмчлөгчдийн холбооны гүйцэтгэх захирал нь холбооны эрх хэмжээний хүрээнд сууц өмчлөгчдөөс төлбөр шаардах, улмаар төлбөрийг төлөөгүй тохиолдолд шүүхэд нэхэмжлэл гаргах эрхтэй. Иргэний хуулийн 147, 148 дугаар зүйл, Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай хуулийн 12, 13 дугаар зүйлүүдэд сууц өмчлөгч нь дундын өмчлөлийн эд зүйлийн ашиглалт, засвар үйлчилгээтэй холбогдсон зардлыг төлөх үүрэгтэйг заасан. Хариуцагч нь сууц өмчлөгч бөгөөд холбооны гишүүн байх ба хуулийн дагуу төлбөр төлөх үүрэгтэй. Хариуцагч нь төлбөр төлөх үүргээ биелүүлээгүй нь тогтоогдож, түүний гаргасан татгалзлын үндэслэлүүдийг баримтаар нотлоогүй байна.**