Тогтоол №9689

ХЭРГИЙН ТАНИЛЦУУЛГА: Гэр бүлийн хамаарал бүхий харилцаатай хүн болох эхнэрээ зодож, хөнгөн хохирол учруулсан этгээдийг гэр бүлийн хүчирхийлэл үйлдсэн гэж хүндрүүлэн зүйлчилж, ял оногдуулан, мөн ялаас чөлөөлсөн анхан шатны шүүхийн шийдвэрт прокурор эсэргүүцэл бичжээ. АНХАН ШАТ: Шүүгдэгчийг хүний эрүүл мэндэд хөнгөн хохирол учруулсан, гэр бүлийн хүчирхийлэл үйлдсэн гэм буруутайд тооцож, 600,000 төгрөгөөр торгох ял оногдуулж, Эрүүгийн хуулийн ерөнхий ангийн 6.7 дугаар зүйлийн 1 дэх хэсэгт зааснаар ялаас чөлөөлжээ. ДАВЖ ЗААЛДАХ ШАТ: Прокурор анхан шатны шүүх Эрүүгийн хуулийг буруу хэрэглэсэн, ял оногдуулаад чөлөөлсөн нь хуулийг буруу хэрэглэсэн, ял тохиролцох боломжийг хязгаарласан гэж үзэн эсэргүүцэл бичжээ.

ҮНДЭСЛЭЛ: Гэр бүлийн хүчирхийлэл үйлдэх гэмт хэргийн шинж нь Эрүүгийн хуулийн тусгай ангийн 11.7 дугаар зүйлд заасан үйлдлүүдийг байнга хийсэн тохиолдолд хамаарна. Хэргийн бодит байдал нь гэр бүлийн хүчирхийллийн шинжийг хангаагүй, хоёр хүний хоорондын таарамжгүй харьцаанаас улбаатай ахуйн маргааны улмаас хөнгөн гэмтэл учруулсан тул гэр бүлийн хүчирхийлэл үйлдэж үйлдсэн гэх хүндрүүлэх нөхцөл байдал байхгүй. Гэм буруугаа хүлээн зөвшөөрсөн, хувийн байдал, учруулсан хохирлыг нөхөн төлөх зэрэг байдлыг харгалзан ялаас чөлөөлөх нь Эрүүгийн хуулийн ерөнхий ангийн 6.7 дугаар зүйлд нийцнэ. Анхан шатны шүүх ял оногдуулсны дараа ялаас чөлөөлсөн нь хуулийг буруу хэрэглэсэн гэж үзэж, хэргийн зүйлчлэлийг өөрчилж, ялыг хөнгөрүүлсэн.