Тогтоол №12350

ХЭРГИЙН ТАНИЛЦУУЛГА: Гэр бүлийн хүчирхийлэл, эрүүл мэндэд хөнгөн хохирол учруулсан хэрэг. АНХАН ШАТ: Гэр бүлийн хүчирхийлэл, хүний эрүүл мэндэд хөнгөн хохирол учруулсан, Эрүүгийн хуулийн 11.6 дугаар зүйлийн 2.т заасан гэмт хэрэг үйлдсэн, мөн байнга зодож, гэр бүлийн хүчирхийлэл үйлдсэн, Эрүүгийн хуулийн 11.7 дугаар зүйлийн 1.1 дэх хэсэгт заасан гэмт хэрэг үйлдсэн гэм буруутайд тооцож, нийт 645,000 төгрөгөөр торгох ял оногдуулж, 11.7 дугаар зүйлийн 1.1-д зааснаар 1 жилийн хугацаагаар тэнсэж, хяналт тавихыг үүрэг болгосон. ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоолыг Эрүүгийн хуулийг буруу хэрэглэсэн гэж үзэн, Эрүүгийн хэрэг хянан шийдвэрлэх тухай хуулийн 39.5 дугаар зүйлийн 1.2-т заасан үндэслэлээр хүчингүй болгож, хэргийг дахин хэлэлцүүлэхээр буцаалгах тухай эсэргүүцэл бичсэн. ҮНДЭСЛЭЛ: Шүүгдэгчийн үйлдсэн хэргийг нотлох баримтаар тогтоосон боловч, шүүгдэгчид ял оногдуулахгүйгээр тэнсэхдээ Эрүүгийн хуулийн ерөнхий ангийн 7.1 дүгээрт заасныг хэрэглэх ёстой байтал 6.7 дугаар зүйлийг хэрэглэсэн нь Эрүүгийн хуулийг буруу хэрэглэсэн үндэслэлтэй байна. Иймд анхан шатны шүүхийн шийтгэх тогтоолыг хүчингүй болгож, хэргийг мөн шүүхэд буцааж дахин хэлэлцүүлэхээр шийдвэрлэв.