Тогтоол №9512

ХЭРГИЙН ТАНИЛЦУУЛГА: Насанд хүрээгүй этгээд хохирогчийн эрүүл мэндэд хөнгөн хохирол учруулсан хэрэгт холбогджээ. АНХАН ШАТ: Шүүгдэгчийг Эрүүгийн хуулийн 11.6 дугаар зүйлийн 1 дэх хэсэгт зааснаар гэм буруутайд тооцож, 240 цагийн нийтэд тустай ажил хийлгэх ялаар шийтгэж, ялыг биелүүлэхийг хойшлуулж, зан үйлээ засах, оршин суух газраа өөрчлөх, зорчин явахдаа хяналт тавьж байх зэрэг албадлагын арга хэмжээг хэрэглэжээ. ДАВЖ ЗААЛДАХ ШАТ: Өмгөөлөгч шүүгдэгчийн эрх зүйн байдлыг дордуулсан, ял оногдуулахгүйгээр хүмүүжлийн чанартай албадлагын арга хэмжээ хэрэглэх хуулийн боломжийг үл харгалзан ял оногдуулсан, албадлагын арга хэмжээг хэрэгжүүлэх байгууллагыг буруу тогтоосон гэж гомдол гаргажээ. Давж заалдах шатны шүүх анхан шатны шүүхийн шийтгэх тогтоолын ял оногдуулсан хэсгийг өөрчилж, Эрүүгийн хуулийн ерөнхий ангийн 8.1 дүгээр зүйлийн 3-т заасныг баримтлан ял оногдуулахгүйгээр зан үйлээ засах хүмүүжлийн чанартай албадлагын арга хэмжээ авч, хяналт тавих үүргийг төрсөн эхэд нь даалгажээ.

ҮНДЭСЛЭЛ: Шүүгдэгчийн хөнгөн гэмт хэрэг анх удаа үйлдсэн, хохирлоо нөхөн төлсөн, хувийн байдал зэргийг харгалзан үзэж, ял оногдуулахгүйгээр хүмүүжлийн чанартай албадлагын арга хэмжээ хэрэглэх нь зохистой гэж үзжээ.