Тогтоол №9178

ХЭРГИЙН ТАНИЛЦУУЛГА: Хамтран амьдрагчаа зодож хөнгөн хохирол учруулсан гэмт хэрэгт холбогдсон этгээдийг анхан шатны шүүхээс торгох ялаар шийтгэсэн. АНХАН ШАТ: Гэм буруутайд тооцож, Эрүүгийн хуулийн 11.6 дугаар зүйлийн 1 дэх хэсэгт зааснаар 450.000 төгрөгөөр торгох ялаар шийтгэж, ялыг 2 сарын хугацаанд хэсэгчлэн төлүүлэхээр тогтоосон. ДАВЖ ЗААЛДАХ ШАТ: Прокурор ял төлөх хугацааг тогтоохдоо Шүүхийн шийдвэр гүйцэтгэх тухай хуулийг буруу хэрэглэсэн гэж үзэн эсэргүүцэл бичсэн.

ҮНДЭСЛЭЛ: Торгох ялыг биелүүлэх хугацааг тогтоохдоо Эрүүгийн хуулийн ерөнхий ангийн 5.3 дугаар зүйлийн 4 дэх хэсэг болон Шүүхийн шийдвэр гүйцэтгэх тухай хуулийн 143, 160 дугаар зүйлүүдийг хооронд нь уялдуулан, ялтан шийтгэх тогтоол хүчин төгөлдөр болсноос хойш 90 хоногоос доошгүй хугацаанд, тохиролцсон нөхцөл байдлаас хамаарч гурван жил хүртэл хугацаанд хэсэгчлэн төлүүлэхээр тогтоох ёстой. Анхан шатны шүүхээс тогтоосон 2 сарын хугацаа нь энэ зарчимд нийцэхгүй, ялтан этгээдийн эрхийг хязгаарласан тул прокурорын эсэргүүцлийг хүлээн авч, ял төлөх хугацааг 3 сар болгон өөрчилсөн.