Тогтоол №9166

ХЭРГИЙН ТАНИЛЦУУЛГА: Нөхрөө зодож, эрүүл мэндэд нь хөнгөн хохирол учруулсан хэрэгт холбогдсон шүүгдэгчтэй холбоотой маргаан. АНХАН ШАТ: Гэр бүлийн хүчирхийлэл үйлдсэн, эрүүл мэндэд хөнгөн хохирол учруулсан гэмт хэрэгт тооцож, 300 цагийн нийтэд тустай ажил хийлгэх ял оногдуулсан. Гэр бүлийн хамаарал бүхий харилцаатай хүнийг байнга зодсон хэргийг нь хэрэгсэхгүй болгосон. ДАВЖ ЗААЛДАХ ШАТ: Прокурор анхан шатны шүүхийн шийдвэрийг эсэргүүцсэн. Шүүгдэгчийг 2019 оны 2 дугаар сард зодсон үйлдлийг анхан шатны шүүх үнэлэлгүй орхигдуулсан, мөн 11 дүгээр сарын 10, 11-ний өдрүүдэд зодсон үйлдлийг Эрүүгийн хуулийн 11.7 дугаар зүйлийн 1 дэх хэсгийн 1.1-д заасан гэмт хэргийн шинжгүй гэж үзсэн нь үндэслэлгүй гэж үзжээ. Шүүхийн шийтгэх тогтоол нь хуулийн шаардлагыг хангаагүй гэж үзээд хэргийг буцаан хэлэлцүүлэхээр шийдвэрлэв. ҮНДЭСЛЭЛ: Анхан шатны шүүх Эрүүгийн хэрэг хянан шийдвэрлэх тухай хуулийн заалтыг зөрчин, шүүгдэгчийг яллаж байгаа зарим хэргийг хэрэгсэхгүй болгосон үндэслэл болон түүнийг нотлох баримтын агуулгыг шийтгэх тогтоолын тодорхойлох хэсэгт тусгаагүй. Мөн шүүхийн шийдвэр нь тодорхой, ойлгомжтой байх хуулийн шаардлагыг хангаагүй.