Тогтоол №13324

ХЭРГИЙН ТАНИЛЦУУЛГА: Гэр бүлийн хүчирхийлэл үйлдсэн гэмт хэрэгт холбогдсон этгээдэд анхан шатны шүүхээс оногдуулсан ялтай холбогдуулан прокуророос давж заалдах гомдол гаргасан. АНХАН ШАТ: Гэр бүлийн хүчирхийлэл үйлдэж, гэр бүлийн хамаарал бүхий хүнийг байнга зодсон хэргийг хэрэгсэхгүй болгож, эрүүл мэндэд нь хөнгөн хохирол санаатай учруулсан үйлдлээр нь торгох ял оногдуулсан. ДАВЖ ЗААЛДАХ ШАТ: Прокурор анхан шатны шүүхийн шийдвэрийг буруу гэж үзэж, эрүүл мэндэд нь учруулсан хохиролтой холбоотой үйлдлийг Эрүүгийн хуулийн 11.7-д заасан гэмт хэрэгт тооцож, шүүгдэгчийн үйлдлүүд нь гэр бүлийн хүчирхийлэл үйлдсэнийг нотолсон гэж үзсэн. Мөн хялбаршуулсан журмаар хэргийг шийдвэрлэхдээ Эрүүгийн хэрэг хянан шийдвэрлэх тухай хуулийг зөрчсөн гэж үзэн хэргийг прокурорт буцаах саналтай байсан.

ҮНДЭСЛЭЛ: Анхан шатны шүүхийн шийтгэх тогтоол нь хууль ёсны болон үндэслэл бүхий байх шаардлагыг хангаагүй, Эрүүгийн хуулийг буруу хэрэглэсэн, Эрүүгийн хэрэг хянан шийдвэрлэх тухай хуулийг ноцтой зөрчсөн нь шүүхийн шийдвэрт нөлөөлсөн тул давж заалдах шатны шүүхээс шийтгэх тогтоолыг хүчингүй болгож, хэргийг прокурорт буцаасан.