Тогтоол №9161

ХЭРГИЙН ТАНИЛЦУУЛГА: Тээврийн хэрэгслийн хөдөлгөөний аюулгүй байдлын журмыг зөрчсөний улмаас хүний амь нас, эрүүл мэндэд хохирол учруулсан хэрэг. АНХАН ШАТ: Шүүгдэгчийг гэм буруутайд тооцож, тээврийн хэрэгсэл жолоодох эрхийг 5 жилээр хасаж, 4 жил хорих ял оноосон. Иргэний хариуцагчдаас хохирол гаргуулж, хохирогчдод олгох шийдвэрлэсэн. ДАВЖ ЗААЛДАХ ШАТ: Иргэний хариуцагч болон шүүгдэгчийн өмгөөлөгч нар анхан шатны шүүхийн шийдвэрийг эс зөвшөөрч гомдол гаргасан. Иргэний хариуцагч өөрийг иргэний хариуцагчаар тогтоосныг үндэслэлгүй гэж үзсэн. Шүүгдэгчийн өмгөөлөгч ялыг хөнгөрүүлэхийг хүссэн.

ҮНДЭСЛЭЛ: Давж заалдах шатны шүүх хэргийг бүхэлд нь хянан үзээд, анхан шатны шүүхийн дүгнэлтийг хэргийн бодит байдалтай нийцсэн, хуулийг зөв хэрэглэсэн гэж үзсэн. Тээврийн хэрэгслийн өмчлөл, эзэмшил, ашиглалттай холбоотой хариуцлагыг Иргэний хуулийн дагуу тогтоож, иргэний хариуцагч Т.Олзвойг буруутайд тооцож, хохирол төлөх үүргийг ногдуулсан. Гэм хор арилаагүй, иргэний нэхэмжлэлтэй холбоотой хохирол төлөгдөөгүй тул ялыг хөнгөрүүлэх хууль зүйн үндэслэлгүй гэж дүгнэлээ. Анхан шатны шүүхийн шийтгэх тогтоолын зарим хэсэгт нэмэлт, өөрчлөлт оруулж, иргэний хариуцагч Д.Батзаяагийн хариуцлагыг хязгаарласан.